Ny Politikam-
pirenena momba ny tontolo iainana
eto Madagasikara
"Ny PNE dia mamaritra ny fitambaran'ny soritr'asa hitantanana ny fikajiana na tontolo iainana ary mametraka ny fepetra hanantanterahana ireo soritr'asa ireo."
"Noho izany dia tsy mety ho voafaritra tanteraka izany rehetra izany satria ny sehatra hanatontosana azy dia tsy maintsy hisy fiovàna hatrany hatrany araka ny toerana sy ny fotoana."
Ny tanjon'ny politikam-pirenena momba ny tontolo iainana dia toy izao:
- Hanafoana ny fahasimbana miandalana hita eo amin'ny tontolo iainana eto Madagasikara.
- Mampifandray tsara ny olombelona sy ny tontolo iainana mba hisian'ny fifanarahana mirindra eo amin'ny roa tonta, na ankehitriny na amin'ny ho avy
- Mampifandrindra ny politika momba ny tontolo iainana sy ny fampandrosoam-pirenena maharitra.
Noho izany dia tsy tokony hisy tetik'asa ho an'ny tontolo iainana izay tsy mifanaraka amin'ny tetik'asa fampandrosoana ny toe-piainana sy ny toe-karen'ny mponina.
Arak'izany dia ireto avy no zava-kendren'ny PNE.
- Fampitomboana ny fahaizan'ny olona mikajy ny tontolo iainana.
- Amin'ny fanamafisana ny fanentanana sy ny fampianarana ny mponina.
- Amin'ny fandrisihana ny fandraisan'anjaran'ny mponina ka hamafisina amin'izany ireo fikambanana misahana ny tontolo iainana;
- Hanampiana ny fahaizan'ny mponina hitantana sy hikajy ny tontolo iainana;
- Amin'ny fiezahana hahatonga saina ny mponina amin'ny fananany kolon-tsaina, miavaka amin'ny rehetra ny tokony hanajˆna ny lalˆna ary hahafantarany fa ilaina ny fisian'ny fandrosoana.
- Amin'ny fanamafisana ny fisian'ny taranja tontolo iainana eo anivon'ny fampianarana ankapobeny.
- Amin'ny fampivelarana sy fampitomboana ny seham-pianarana Fikarohana sy Fampianarana momba ny tontolo iainana ;
- Amin'ny fampiasana sy fampitomboana izay fitaovana rehetra ahafahana mampita ny "hafatra" rehetra mikasika ny tontolo iainana.
- Fametrahana ny "Fampandrosoana maharitra", mitovy ary voatsinjara ara-dalàna eo anivon'ny faritra rehetra eto amin'ny Nosy.
- Amin'ny fihezahana hahafantatra ireo harenavoajanahary mba hahafahana mikolokolo azy sy mandamina ny fampiasana azy.
- Amin'ny fitsitsiana ireo harena ireo.
- Amin'ny fanomezan-danja ny harena voajanahary eto an-toerana.
- Amin'ny famerenana indray ny firoboroboan'ny vokatra avy amin'ny natiora ka ho ezahina ny mampitombo ny fahatantesany miady amin'ny fahasimbana sy ny aretina isan-karazany.
- Amin'ny fandrisihina ireo mpampiasa vola mba tsy hanimba fa hanaja ny tontolo iainanany zavatra kasainy hatsangana.
- Fitsinjovana sy fihariana ara-drariny mba hamerenana amin'ny laoniny ny harena hananan'ny malagasy eo amin'ny biby sy zava-maniry izay tokana eran-tany ary fanamafisana ny fizahan-tany miankina amin'ny tontolo iainana.
- Fanatsarana ny toe-piainan'ny mponina any ambanivohitra sy ny any an-drenivohitra mba hahafahana mampiakatra ny fari-piainan'izy ireo,
Mba hanatontosana ara-dalàna io politika io dia tsy maintsy tanteraka dieny mialoha ireto fepetra fito ireto:
- Fanentanana eo anivon'ny sehatra fifandraisan'ny tontolon'asa momba ny tontolo iainana mba hahafahan'ny tsirairay mahatsapa ny andraikiny avy eo amin'ny fiarovana ny tontolo iainana.
- Fanamaivanana miandalana ny anjara asan'ny fanjakana. Ny andraikitry ny Fanjakana dia mamaritra ny politika, mandrisika ny mpandraharaha, manaraka sy manombana ny tetik'asa momba ny tontolo iainana sy ny vokany. Anjaran'ireo mpandraharaha tsy miankina amin'ny Fanjakana kosa (Fikambanan'ny mpanjifa, ONG sy ny orin'asa tsy miankina) no miaro sy manao izay hanomezan-danja ny harena voajanahary eto Madagasikara.
- Fanatsarana ny fitaovana ahafahana mandrindra ny fikajiana ny tontolo iainana mba ahitana ny fivoarany. Izany dia mba hanatsarana ny politika sy ny tetik'asa ka hampiharana azy amin'ny fotoana ilaina.
- Fampivelarana ny fikarohana momba ny tontolo iainana.
- Famaritana mazava ny politikam-pirenena momba ny mponina mba hanoritana ny zavatra mety ilaina eo amin'ny lafiny samihafa, amin'ny ho avy.
- Fandrindrana ny fampiasan'ny mponina ny toerana sy ny faritra iainany ka tsy hisian'ny olàna momba ny fizarana tany.
Ny fanatontosana izany politika izany dia miankina amin'ny fametrahana seha-pifandraisana eo anivon'ireo mpandraharaha rehetra momba ny tontolo iainana, ohatra ireto voalaza manaraka ireto, no sady afaka mifandray amin'ireo tompon'andraikitry ny ONE sy ny AGEX ianao ary koa mahita ireo adiresy hafa ilaina, amin'ny alalan'ny tabilao esty ambany:
- ANAE:Fikambanam-pirenena momba ny asa mikasika ny Tontolo Iainana.
- ANGAP:Fikambanam-pirenena momba ny fitantanana ny valan-javaboary
- DEF:Foiben'ny Rano sy ny Ala.
- DDC:Foibe momba ny fananan-tany.
- FTM :Foibe Tao-sarintany malagasy.
- CFSIGE :Foibe fampianarana momba ny Siansa mikasika ny antotam-baovao ara-paritra ary ny tontolo iainana.
- CNRE : Foibem-pikarohana momba ny tontolo iainana.
- PE / FED / COI :Tetik'asa rejionaly momba ny tontolo iainana.
- CNRO : Foibem-pikarohana momba ny ranomasina.
- FOFIFA : Foibe fikarohana momba ny fambolena.
- CIDST : Foibe mikarakara ny antotam-baovao sy ny atontam-boky momba ny Siansa sy Teknika.
- IHSM : Foibem-pikarohana momba ny hazan-dranomasina sy Siansa momba ny ranomasina.
- COMODE : Filan-kevitra malagasy ho an'ny ONG miasa eo anivon'ny fampandrosoana sy ny tontolo iainana.
[Pejy voalohany]
(source charte de l'environnement)
(URL http://www.madonline.com/nature/mg/solution.htm)
Webmaster : Christian Lehmann